АН-ын МАН-ынхныг засгаас гаргаж, одоо дангаар эрх барихаар зэхэж байна. Тэгвэл үүний хариуд МАН-ын зүгээс “хүчтэй сөрөг хүчин болж ажиллана” гэсэн мэдэгдлийг хийгээд байгаа юм. Ингээд цаг үеийн асуудлаар УИХ-ын дэд дарга, МАН-ын дарга М.Энхболдтой ярилцлаа.
Гэрээг дүгнэхдээ туйлын хариуцлагагүй хандсан. Нэг талаар хүчээр энэ гэрээ хангалтгүй байна гэж дүгнэсэн. Зүй нь бол энэ гэрээг хоёр талаасаа хамтарч дүгнэх ёстой байсан. Хоёр нам хамтарч дүгнэхээс гадна Засгийн газар өөрөө мөн дүгнэх ёстой байсан. Асуудал ингэж үүсээд бараг сар шахам болсон. Энэ хугацаанд Засгийн газар дүгнэж болоогүй юм байх даа.
Гэрээнд заагдсан асуудлуудаас хэд нь хэрэгжсэн, хэд нь хэрэгжээгүй гээд яагаад дүгнэлт хийхгүй, хариуцлагагүй ажиллаж байгаа юм. Ард түмний өмнө бид хамтарч ажиллаад ийм юм хийе гэж байгуулсан гэрээгээ цуцлая, сайд нарыг хөөе гэж байгаа бол гэрээгээ үнэн бодитойгоор дүгнэх ёстой. Гэтэл энэ бүхнээс зайлсхийлээ. Учир нь үнэн бодитойгоор дүгнэх юм бол АН өөрсдөө гэрээгээ биелүүлээгүй гэдэг нь ил тод болох байсан учраас Гүйцэтгэх зөвлөлийнхөө “хангалтгүй” гэсэн үгийг урдаа барьсаар байгаад цуцаллаа.
- Тийм ээ. Гэхдээ дангаараа цуцалсанг буруутгаж байгаа юм биш. Хамгийн гол нь гэрээг дүгнээгүй. Харин бид өөрсдөө хамтарсан гэрээг дүгнэж үзсэн. Ер нь бол 50 орчим хувьтай биелсэн байна. Гэхдээ биелээгүй зүйл бол бий. Тэр бүхэн хэнээс болж биелээгүй вэ гэдгийг бид тодорхой гаргаж байгаа.
Тухайлбал, “Оюутолгой” төслийн гэрээний нөхцөлийг дордуулахгүйгээр Монголын талд оногдох үр өгөөжийг нэмэгдүүлэх, хүчин төгөлдөр хууль тогтоомжийн хүрээнд ил тод, нээлттэйгээр зөвшилцөж шийдвэрлэхээр байсан. Мөн Тавантолгой болон стратегийн бусад ордод ийм зарчмыг баримтлан ашиглахаар гэрээнд тусгасан. Харамсалтай нь аль аль нь ахиц өөрчлөлт гарсангүй.
Тавантолгойн орд газрыг ашиглах гэрээний төслийг Засгийн газраас УИХ-д өргөн мэдүүлсэн. Энэ төслийг УИХ-аар хэлэлцэж, зөв зүйлийг дэмжиж, бурууг засч залруулах ёстой гэж үзэж байсан ч УИХ-ын дарга З.Энхболд түгжих, удаах, гацаах байр суурь баримталж байсны улмаас Засгийн газар гэрээгээ татаж авсан. Оюутолгойн гэрээний төлөвлөгөө гэгчид Ерөнхий сайд Ч.Сайханбилэг Дубайд очиж гарын үсэг зурсан. ҮБАЗ-ийн хурал дээр Оюутолгойн гэрээтэй холбоотой асуудлаар Ардын намын бүлэгт танилцуулга хийхийг шаардсан ч танилцуулалгүй Дубайд очиж гарын үсэг зурсан. Гарын үсэг зурагдсанаас хойш ямар учраас энэ үйлдлийг хийв гээд зунжингаа хөөцөлдөөд олдоогүй.
-Өнгөрсөн оны арванхоёрдугаар сард АН-аас МАН-д засагт хамтран ажиллах урилга ирүүлснээр таван бүлэг, 20 гаруй асуудал бүхий гэрээ байгуулсан. Хоёр намын хувьд гэрээгээр хүлээсэн хамгийн том үүрэг бол эдийн засгийн асуудал байсан. Тухайлбал, хөрөнгө оруулагчдын итгэлийг сэргээх, хөрөнгийн эх үүсвэрийг бий болгох, иргэдийн аж амьдралд нааштай өөрчлөлт гаргах, өмнө гарсан алдааг засч залруулах байв. Үүний тулд эдийн засгийг сэргээх богино хугацааны хөтөлбөр боловсруулахад анхаарлаа хандуулж МАН-ын бүлгээс дэвшүүлсэн 50 тодорхой саналыг багтаасан 70 орчим зүйл бүхий эдийн засгийг хүндрэлийг даван туулах хөтөлбөр батлагдсан.
Төрийн өмчийг хувьчлах тогтоолын төсөл дээр УИХ-ын гишүүн Ө.Энхтүвшингээр ахлуулсан ажлын хэсэг ажиллаж, УИХ-аас тодорхой шийдвэр гарсан. Одоо хэрэгжүүлэх ажил эхлээд явж байна.
Гэрээнд дурдагдсан дараагийн асуудал бол гадаад өрийн хэмжээг нэмэхгүй, өрийн удирдлага, менежментийг боловсронгуй болгох байсан. Сангийн сайд энэ асуудалд санаачилгатай ажиллаж, Өрийн удирдлагын хууль эрх зүйн орчныг боловсронгуй болгох хуулийн төслийг өргөн мэдүүлж батлуулсан. Хэдийгээр Төсвийн тогтвортой байдлын тухай хуульд заасны дагуу өрийн босго ДНБ-ий 40 хувиас хэтрэхгүй байх ёстой байсан боловч Ардын намыг засагт хамтрах үед бодит байдал дээр 58.3 хувьд хүрсэн байсан. Тийм учраас хүрсэн түвшнийг УИХ баталгаажуулж дахин өр нэмэхгүй байх зорилтыг тавьсан юм.
Цаашдаа 2017, 2018 онд төлөгдөх өрийн эх үүсвэрийг бий болгох, санг бүрдүүлэх, одоо авсан өрийг зээлийн үйлчилгээний төлбөр багатай зүйлээр солих зэрэг арга хэмжээг төлөвлөж, ажлын нааштай эхлэлүүд гарч байсан.
-Болно, болно.
-Хэн нь ажилд гацаа үүсгээд байна вэ гэвэл өөр тайлбар хэлнэ. Өнөөдрийг хүртэл цаг хугацаа нь тулаад байгаа чухал хуулийн төслүүдийг АН-ынхан толгойлж байна. Тухайлбал, Үндсэн хуульд нэмэлт, өөрчлөлт оруулах хуулийн төслийн ажлын хэсгийг Н.Батбаяр гишүүн ахалж байгаа ч өнөөдрийг хүртэл УИХ-д өргөн баригдаагүй байна. Г.Бурмаа гишүүнээр ахлуулсан Сонгуулийн тухай хуулийг долоодугаар сарын 1-нд батална гэж тохиролцсон ч одоог хүртэл чимээгүй байна. Уг хуулийн төсөлд санал хураалтын хяналтын тооллогыг гараар хийх, сонгуулийн тогтолцооны асуудлыг шийдэх, сонгуулийн маргааныг богино хугацаанд шийдвэрлэдэг байх зэрэг асуудлыг багтаасан.
Харин ч Сонгуулийн тогтолцоог ард нийтээс асуух хуулийн төслийг МАН-ын бүлгийн гишүүд өргөн барьсан ч огт хэлэлцээгүй. Улс төрийн намын тухай хуулийн төслийг боловсруулах ажлын хэсгийг УИХ-ын гишүүн С.Баярцогтоор ахлуулсан ч үүргээ биелүүлээгүй. Тэгээд одоо энэ энэ хуулийн төслийг Ерөнхийлөгч өргөн барихаар ажиллаж байна. Орон нутгийн ИТХ-ын хууль ёсны шийдвэрийг Засгийн газар хүндэтгэж хүлээн зөвшөөрнө гэсэн гэрээний заалтыг АН биелүүлээгүй. Говьсүмбэр аймагт шүүхийн шийдвэрийн дагуу явуулсан хоёр удаагийн нөхөн сонгуульд МАН-ын дөрвөн нэр дэвшигч ялсан ч өнөөдрийг хүртэл бүрэн эрхээ хэрэгжүүлж чадаагүй. Тэгэхээр гэрээнд заагдсан ажлуудыг хэн хариуцаж байв, хэний хариуцаж байсан ажил хэрэгжээгүй вэ гэдэг нь тодорхой байна. Бид хамтрахдаа амаа үдүүлнэ гэж хамтраагүй, зөв зүйлийг нь дэмжиж, буруу зүйлийг нь засна гэсэн. УИХ-ын гишүүд хуулиар олгогдсон эрхээ УИХ-ын үйл ажиллагаанд оролцохдоо эдэлж, намын бүлэг үнэлэлт дүгнэлтээ өгч байсан.
Төрийн албаны зөвлөлөөс гаргасан нэгэн тоон статистик мэдээг танилцуулъя. МАН-аас томилогдсон сайдтай Зам тээврийн яаманд 24, Барилга, хот байгуулалтын яаманд 28, Хөдөлмөрийн яаманд 48 хүн шинээр томилогдсон байна. Тэгвэл АН-аас дахин солигдож томилогдсон сайд нартай яамдад ч халаа сэлгээ хийгдсэн байна. Тухайлбал, Г.Пүрэвсүрэн сайдтай Гадаад хэргийн яаманд 31, Д.Эрдэнэбат сайдтай Аж үйлдвэрийн яаманд 33 хүн шинээр томилогдсон.
МАХН-ын гишүүн сайдтай байж байгаад энэ намаас сайд томилогдсон Эрүүл мэнд, спортын яаманд 31 хүн шинээр томилогдсон. Өнгөрсөн хугацаанд сайд нь солигдоогүй Боловсрол, соёл, шинжлэх ухааны яаманд хүртэл 11 хүнийг шинээр авсан.
Харин Хөдөлмөрийн яамыг маш олон хүн халсан гэдэг. Үүнд хариулт өгөхөд, үнэндээ системээрээ үүрэг гүйцэтгэгч төрийн албан хаагчтай байсан алдааг сайд С.Чинзориг залруулсан. МАН-аас томилогдож ажилласан сайд нар хууль зөрчсөн, хамаатан саднаа томилсон зүйл байхгүй. Хууль бус томилгоо хийгдсэн гэсэн шүүхийн нэг ч шийдвэр байхгүй шүү гэдгийг хэлмээр байна.
УИХ-ын гишүүн Н.Батбаяр хэвлэл мэдээллийн хэрэгслээр МАН-ынхан Засгийн газрыг огцруулах гэж байгаа учир бид тогтвортой ажиллуулахын тулд дотроосоо сайд нараа томилох гэж байгаа гэсэн утгатай зүйл ярьж байна лээ. Сүүлийн үед МАН-ын гишүүдээс Засгийн газрыг огцруулах талаар ярьсан хэлсэн зүйл нэг ч байхгүй. Манай бүлгийн даргын хэлсэн дүгнэлтэд бид энэ Засгийн газрыг цааш нь зөв зүйл дээр нь ташуур өгч, буруу зүйл дээр нь хазаар болж ажиллана гэж хэлсэн.
Дараагийн томилогдох сайд нараа хурдан оруулж ир гэдгийг манай намынхан хэлж байгаа. Дараагийн сайд нарыг томилоход бид хамт томилж өгнө. Харин сайн ажиллах хүмүүс орж ирээсэй гэж хүсч байна. Ер нь бол УИХ-ын гишүүн давхар дээл өмсөх гэж байгаа бол анхнаасаа л бид сайд болмоор байна, давхар дээл өмсмөөр байна гэж хэлээд болно биз дээ. Гэтэл огт юм яриагүй байгаа МАН-ыг тэгэх гээд байна, ингэх гээд байна гэж хэлээд өөрсдийнхөө хүсэл зорилгыг биелүүлж байгаа нь үнэхээр увайгүй үйлдэл гаргаж байна.
- Аливаа асуудлыг шийдвэрлэхэд улстөрийн намууд байтугай айл өрхөд ч санал зөрөх болон янз бүрийн байдлаас асуудалд хандах зүйл байдаг шүү дээ. Тэртусмаа манай намын гишүүдэд санал бодол, байр сууриа илэрхийлэх чөлөөтэй. Энэ бүгдийг тал талаас нь ярьж, тооцоо судалгаа хийсний дараа шийдвэр гаргасан. Хамгийн гол нь эдийн засгийн уналтыг зогсоож, ард түмний амьдралыг бага ч гэсэн дээшлүүлэхийн тулд Ч.Сайханбилэг сайдын гуйгаад байгааг анхаарч, хамтарч ажиллаж дэм тус больё гээд Засагт орохоор болсон. Ерөнхий сайд Ч.Сайханбилэг бидэнд бичсэн захидалдаа, “Та бүхний туршлага бидэнд маш их хэрэгтэй байна” гэж бичсэн байсан. Тиймээс энэ талаар намын бага хурлаас Засгийн газарт хамтрах шийдвэр гаргасныг гишүүд бүгд санал нэгдсэн.
Эдийн засгийн ил тод байдлын тухай хуулийн төслийг Засгийн газар татаж аваад хоёр талаасаа ажлын хэсэг гаргаж боловсруулна гэж гэрээнд заасан. Гэтэл Ерөнхий сайд зөвшилцлийн баримт бичигт туссан заалтыг зөрчиж шууд УИХ-д өргөн барьсан. МАН хувийн хэвшил, бизнесийнхний өмч хөрөнгөө ил болгох, үйлдвэрлэл, үйлчилгээгээ өргөтгөхийг дэмжиж байгаа. Гагцхүү хөрөнгө орлогоо мэдүүлдэг төрийн өндөр албан тушаалтнуудын нуусан өмч хөрөнгийг ил болгох зохицуулалтыг энэ хуулийн төслийн хүрээнд хийхийг эсэргүүцсэн юм.
Olloo.mn
